కునుకే బంగారమాయెనా ?

కునుకే బంగారమాయెనా ... వెంకన్న స్వామికి
కునుకే బంగారమాయెనా...
కునుకే బంగారమాయె... నిద్దురే కరువైపోయే
కనులారా భక్తుల గాచే... కలియుగ దైవానికి ఇలలో ..కునుకే..


కలియుగ దైవమ్మని ... కరుణా మూర్తివి నీవని
తలచే నీ భక్తుల కోర్కెలు... తీర్చే నీ చల్లని చూపుకు ..కునుకే..


రెండున్నరకు పవళింపు సేవ... మూడు గంట్లకే సుప్రభాతము
అర గంటలో అలమేల్ మంగ అలకలు తీర్చి వచ్చే స్వామికి ..కునుకే..


ఏడు కొండల వాడా ... వడ్డీ కాసుల వాడా
లక్ష్మి నాధుడా నీకు ... కాసుల రాసుల మధ్య ..కునుకే..